Spiral yerləşdiriləndən sonra 1 həftə ərzində cinsi həyat və intensiv fiziki fəaliyyət tövsiyyə olunmur. Spiralın iplərini, və spiralın düzgün yerləşdirilməsini yoxlamaq üçün, digər kontrasepsiya üsullarından istifadə etmədən cinsi həyata başlamaq üçün spiral yerləşdiriləndən 7-10 gün sonra ilk kontrol baxış keçirilir.

Həmçinin, spiralın uşaqlıq boşluğunda düzgün yerləşməsini yoxlamaq üçün USM tətbiq edilir.

Növbəti baxış 3 ay sonra keçirilir və sonrakı baxışlar 6 aydan-bir, sonra 1 ildən-bir. Bu zaman, uşaqlıq boynundan bakterioloji müayinə üçün yaxma götürülür. Ultrasəs müayinəsi göstərişlərə əsasən edilir.

Spiral aşağıdakı hallarda çıxardılır:

⦁    Pasientin istəyi ilə;
⦁    İstifadə müddətinin bitdiyi zaman;
⦁    Menopauza (sonuncu aybaşıdan 1 il sonra);
⦁    Bəzi hallarda tibbi göstərişlərə əsasən;
⦁    Hamiləlik;
⦁    Ağrılar;
⦁    Xanımın həyatına təhlükə yaradacaq qanaxmalar;
⦁    Kiçik çanaq orqanlarının kəskin iltihabi xəstəlikləri;
⦁    Uşaqlıqın və uşaqlıq boynunun xərçəng xəstəliyi;
⦁    Perforasiya və ya spiralın qismən düşməsi (ekspulsiya).