Ümumi vəziyyəti əlverişli olan hər kəsə laparoskopiya əməliyyatı icra edilə bilər. Şiddətli təngənəfəslik və ciddi ürək problemi olanlarda əməliyyat sırasında başı aşağı pozisiya olduğu üçün laparoskopiya seçimi edilməyə bilər. Çox böyük və çox sayda mioması olan qadınlar da  açıq əməliyyat seçimi etməlidirlər. 

 Laparoskopik Əməliyyatların Üstünlükləri Nələrdir ? 

Laparoskopiya və Histeroskopiya ilə artıq açıq qarın əməliyyatlarına ( kəsikli əməliyyatlara ) son qoyaraq yalnız qapalı üsulla,travmasız və qansız üsulla cərrahiyyəni həyata keçirdirik. Daxildə edilən əməliyyatın həcmi açıq cərrahiyyə ilə eynidir.Hətta bəzi əməliyyatlarda açıq cərrahiyyə ilə çata bilinməyən nahiyyələrə asanlıqla laparoskopiya ilə müdaxilə  etmək mümkündür. Kameranın 10 – 20  dəfə böyüdücü ilə işləməsi ən mühüm fürsətdir. Daha az zədə və qanama olur. Bu səbəbdən də  xəstə daha az ağrı hiss edir və xəstəxanada daha qısa müddətdə qalır, işinə daha tez qayıda bilir.

Daha tez sağalma müddəti 
Daha tez işinə qayıda bilmək 
Daha az əməliyyat qanaması
Daha az əməliyyat sonrası anemiya
Daha balaca dəridə dəlik
Yüksək kosmetik effekt
Daha az qarın divarı infeksiyaları
Daha az bitişmə