Vaginal üsulla aparılan əməliyyatlar
Vaginal üsulla aparılan əməliyyatlar zamanı kiçik çanaq orqanlarında cərrahi müdaxilələr uşaqlıq yolu vasitəsilə aparılır. Vaginal cərrahiyyə bu gün ginekoloji əməliyyatların ən optimal üsullarından biridir.
Vaginal üsulla aparılan əməliyyatlara göstərişlər:
- ·Uşaqlıq boynunun anadangəlmə və ya doğuşsonrası deformasiyası;
- ·Uşaqlıq yolunun xoşxassəli şişləri, kistaları;
- ·Uşaqlığın xoşxassəli törəmələri (mioma, adenomioz);
- ·Uşaqlıq yolunun, uşaqlığın divarlarının sallanması və ya düşməsi, çanaq dibi əzələlərinin çatışmazlığı;
- ·Stress sidik saxlamazlığı.
Daxili cinsiyyət orqanlarının sallanma və ya düşməsi 85.5% xəstələrdə yan orqanlarının patologiyalarına səbəb olur:
- ·Sidik qaçırma halları – 70.1% xəstələrdə;
- ·Defekasiyanın pozulması – 36.5% xəstələrdə;
- ·Dispareuniya – 53.3% xəstələrdə rast gəlinir.
Çanaq dibinin möhkəmləndirilməsinə yönləndirilən plastik əməliyyatlar – ön kolporrafiya, kolpoperineolevatoroplastika. Bu növ əməliyyatları əsas və ya əlavə müavinət kimi cinsiyyət orqanlarının prolapsı zamanı cərrahi müdaxilənin bütün hallarında tətbiq etmək lazımdır.
Uşaqlıq yolunun ön divarında keçirilən plastik əməliyyatlar vaginal bağlantıların möhkəmləndirilməsinə yönləndirilir.
Perineolevatoroplastika (uşaqlıq yolunun arxa divarının və aralığın bərpa olunması) çanaq dibi əzələlərinin çatışmazlığının erkən mərhələlərində tətbiq olunduqda, çanaq orqanlarının sallanmasına qarşı profilaktk əhəmiyyət kəsb edir.
Uşaqlığı fiksasiya edən bağlantıların möhkəmləndirilməsinə yönəldilən əməliyyatlar.
Uşaqlıq yolunun düşməsi və uşaqlığın sallanması zamanı çanaq dibini möhkəmləndirən xüsusi torlardan istifadə olunur. Uşaqlıq yolunda kəsik aparılır, və kəsik vasitəsilə tor yerləşdirir.
Uşaqlığın vaginal üsulla kəsilib çıxarılması (eyni zamanda ön kolporrafiya və kolpoperineolevatoroplastika tətbiq olunur).
Əməliyyatdan öncə müayinələr
- ·Qan qrupunu və rezus faktoru təyin etmək üçün qan analizi;
- ·HİV, Hepatit və sifilisin təyini üçün qan analizi;
- ·Qanın ümumi analizi + EÇS + trombositlər;
- ·Sidiyin ümumi analizi;
- ·Qanda şəkərin səviyyəsi;
- ·Biokimyəvi analizlər (bilirubin, kreatinin, elektrolitlər);
- ·Koaquloqramma (fibrinogen,protrombin indeksi);
- ·Uşaqlıq yolundan və servikal kanaldan alınan yaxmanın bakterioloji analizi;
- ·Kolposkopiya;
- ·Uşaqlıq boynunun sitoloji və ya patohistoloji müayinəsi;
- ·Çanaq orqanlarının ultrasəs müayinəsi;
- ·Rentgen;
- ·Terapevtin baxışı + EKQ.