Pasientimiz 4 uşaq dünyaya gətirib və uşaqlıq yolunun genişlənməsindən əziyyət çəkdiyi üçün bizə müraciət edib.  Artıq xanımda cinsi həyatından məmnunsuzluq, uşaqlığın sallanması və s. kimi probləmlər yaranmışdı. 2ci dərəcəli uşaqlıq sallanmasında vaginaplastika əməliyyatı ilə bütün bu narahatçılıqlara son qoyulacaq və uşaqlıq yolu darlaşdırılacaqdır. Lakin digər mərhələlərdə əməliyyatın həcmi və texnikası dəyişir. Vaginaplastika əməliyyatı əslində 2 cərrahi müdaxilədən ibarətdir: ön və arxa plastika əməliyyatı. Bu əməliyyatı çox dəqiq şəkildə icra etmək lazımdır, əks təqdirdə sidik qaçırma, fistul kimi fəsadlarla rastlaşmaq olar. Qeyd edim ki, uşaqlığın sallanması doğum etməmiş qadınlarda da rast gəlinir. Pasientimizdə uşaqlıq yolu 8 sm qədər genişlənmişdir. Bu da öz növbəsində diskomfortlar yaradır. Vaginoplastika əməliyyatının üstünlüklərindən biri odur ki, biz uşaqlıq yolunu istədiyimiz dərəcədə darlaşdıra bilərik.