Sonsuzluğun müalicəsi

Sonsuzluğun müalicəsi həmişə səbəbin tapılmasından başlayır. Eyni şikayətin arxasında hormonal pozuntu, boruların keçməməsi, endometrioz, yumurtalıqların polikistik sindromu və ya kişi amili dayana bilər — müalicə də buna görə tamamilə fərqli olur.

Diaqnostika

• hormonal profilin qiymətləndirilməsi;
• ovulyasiyanın izlənməsi;
• uşaqlıq borularının keçiriciliyinin yoxlanılması;
• uşaqlıq boşluğunun histeroskopiya ilə müayinəsi;
• lazım gəldikdə laparoskopik diaqnostika;
• partnyorun spermoqramması.

Müalicə üsulları

• Dərman müalicəsi — hormonal tənzimləmə və ovulyasiyanın stimulyasiyası.
• Cərrahi müalicə — laparoskopiya və histeroskopiya ilə bitişmələrin, poliplərin, endometrioz ocaqlarının aradan qaldırılması, polikistik yumurtalıqlarda drillinq.
• Uşaqlıqdaxili inseminasiya (aşılama) — hazırlanmış spermanın ovulyasiya dövründə birbaşa uşaqlıq boşluğuna yeridilməsi.
• Süni mayalanma — yuxarıdakı üsullar nəticə vermədikdə və ya göstəriş olduqda.

Nə zaman müraciət etmək lazımdır

35 yaşa qədər qorunmadan bir il, 35 yaşdan sonra altı ay ərzində hamiləlik baş verməyibsə, araşdırmaya başlamaq məsləhətdir. Sikl pozuntusu, ağrılı menstruasiya, keçirilmiş ginekoloji əməliyyat və ya hamiləliyin itirilməsi hallarında isə gözləmədən müraciət etmək daha düzgündür.